Sangni

Tere aage nahi

Tere peeche nahi 

Tere saath chaloongi

Sangni banna chahthi hu,

Tujh par bhar nahi..

Sukh ho

Ya dukh ho

Kabhi zyada mere

Kabhi kam tere hissa

Saathi hai hum,

Koi gannit ki kitab nahi..

Kabhi galti mei karu

Aur tu sudhare

Teri galti ho

Daant mujhe pade

Kya galat kya sahi,

Jo bhi hai ab sab apna yaha..

Hath thama hai

Bas manzil tak hi apna saath nahi

Ye badan ki ahuti legi zindagi

Ruh se naata kiya hai,

Ye toh apne janmo janmo tak saath chalegi..